பிரகாசமான வண்ணங்களும் நுணுக்கமான வடிவங்களும் நிறைந்த ஆப்பிரிக்க பதிக் கலை!
செய்தி முன்னோட்டம்
ஆப்பிரிக்காவின் ஒரு பாரம்பரிய கலை வடிவமான பதிக், துணியில் நுணுக்கமான வடிவங்களை உருவாக்க இயற்கை சாயங்களைப் பயன்படுத்துகிறது. மேற்கு ஆப்பிரிக்காவில் தோன்றிய இந்த கலை முறை, அதன் பிரகாசமான வண்ணங்களுக்கும், நுணுக்கமான வடிவங்களுக்கும் மிகவும் பெயர் பெற்றது. இந்தச் செயல்முறையில், சாயம் பூசுவதற்கு முன்பு துணியில் மெழுகு தடவப்பட்டு, சாயம் படியாத ஒரு தன்மை உருவாக்கப்படுகிறது. இதன் விளைவாக கிடைக்கும் ஒவ்வொரு படைப்பும் ஒரு தனித்துவமான கலைப்படைப்பாகும். இது அந்தந்த ஊரின் பண்பாட்டு பாரம்பரியத்தையும், கலை வெளிப்பாட்டையும் பிரதிபலிக்கிறது. இந்த அற்புதமான கலையைப் பற்றி நீங்கள் எப்படி தெரிந்துகொள்ளலாம் என்பதை இங்கே பார்க்கலாம்.
நுட்பம்
பதிக் செயல்முறையைப் புரிந்துகொள்வது
பதிக் செயல்முறையைத் தொடங்க, நல்ல தரமான காட்டன் அல்லது சில்க் துணியைத் தேர்ந்தெடுக்க வேண்டும்.
கலைஞர்கள், 'கான்டிங்' டூல் அல்லது பிரஷ் ஒன்றைப் பயன்படுத்தி சூடான மெழுகால் வடிவமைப்புகளை வரைகிறார்கள்.
மெழுகு குளிர்ந்த பிறகு, துணி சாயத் தொட்டிகளில் மூழ்கடிக்கப்படுகிறது. மெழுகு தடவிய பகுதிகளில் சாயம் படியாது. பின்னர், மெழுகு நீக்கப்பட்டதும், அந்தப் பகுதிகளில் தனித்துவமான வடிவங்கள் உருவாகின்றன.
இன்னும் சிக்கலான வடிவமைப்புகளை உருவாக்க விரும்பினால், இந்தச் செயல்முறையை பலமுறை, வெவ்வேறு வண்ணங்களுடன் திரும்பத் திரும்பச் செய்யலாம்.
பொருட்கள்
இயற்கை சாயங்களைத் தேர்ந்தெடுப்பது
இயற்கை சாயங்கள் செடிகள், கொடிகள், கனிமங்கள் மற்றும் பிற கரிமப் பொருட்களிலிருந்து பெறப்படுகின்றன.
நீல நிறத்திற்கு 'இண்டிகோ'வும், மஞ்சள் நிறத்திற்கு மஞ்சளும், சிவப்பு நிறத்திற்கு செம்பருத்தியும் பொதுவாகப் பயன்படுத்தப்படும் இயற்கை சாயங்கள் ஆகும்.
இந்தச் சாயங்கள், செயற்கை சாயங்களுக்கு சுற்றுச்சூழலுக்கு உகந்த மாற்றுகளாகும். இவை, துணிக்கு இயற்கையான வண்ணங்களை அளித்து, அதன் தரத்தையும் மேம்படுத்துகின்றன.
படைப்பாற்றல்
வடிவமைப்புகளை உருவாக்குதல்
வடிவமைப்புகளை உருவாக்குவதில்தான் ஒருவரது படைப்பாற்றல் முழுமையாக வெளிப்படும்.
பாரம்பரிய வடிவமைப்புகளில் பெரும்பாலும் வடிவியல் வடிவங்களோ அல்லது அந்தந்த ஊரின் கதைகளையும் நம்பிக்கைகளையும் சொல்லும் குறியீடுகளோ இடம்பெறும்.
ஆனால், தற்கால பதிக் கலைஞர்கள் அப்ஸ்ட்ராக்ட் வடிவமைப்புகளுடன் பரிசோதனை செய்வதுடன், சமகால கருப்பொருள்களையும் தங்கள் படைப்புகளில் இணைக்கின்றனர்.
பராமரிப்பு
பதிக் துணிகளைப் பராமரித்தல்
பதிக் துணிகளின் வண்ணங்கள் காலப்போக்கில் மங்காமல் இருக்க, அவற்றை முறையாகப் பராமரிப்பது அவசியம்.
குளிர்ந்த நீரில் மென்மையான சோப்பைப் பயன்படுத்தி கையால் துவைப்பது, வண்ணங்கள் மங்குவதையும், துணிகளின் இழைகள் சேதமடைவதையும் தடுக்கும்.
துணிகளை நேரடி சூரிய ஒளியில் காய வைப்பதைத் தவிர்த்து, நிழலில் உலர்த்துவது, வண்ணங்களின் தன்மையைப் பாதுகாக்க உதவும்.