ரயிலில் வேலூர் செல்லும் தமிழக முதல்வர்-'கள ஆய்வில் முதலமைச்சர்' திட்டம் துவக்கி வைப்பு
செய்தி முன்னோட்டம்
வேலூர்: 'களஆய்வில் முதலமைச்சர்' என்னும் திட்டத்தின்கீழ் அரசு முறை சுற்றுப்பயணமாக 2நாட்கள் தமிழக முதல்வர் அவர்கள் பயணம் மேற்கொள்கிறார்.
இன்று காலை சென்னையில் இருந்து ஷீரடி எக்ஸ்பிரஸ் ரயிலில் புறப்பட்டு 12மணியளவில் காட்பாடி ரயில்நிலையம் வரும் முதல்வருக்கு மாவட்ட திமுக சார்பில் வரவேற்பு அளிக்கப்படும்.
அங்கிருந்து காரில் காட்பாடி அரசினர் ஆண்கள் மேல்நிலைபள்ளிக்கு செல்லும் அவர் ஊரகவளர்ச்சி மற்றும் ஊராட்சிதுறை சார்பில் பேராசிரியர் அன்பழகன் பள்ளி மேம்பாட்டுதிட்டம், குழந்தைநேய பள்ளி உட்கட்டமைப்பு மேம்பாட்டுதிட்டத்தின் கீழ் மாநிலம் முழுவதும் 196சட்டப்பேரவை தொகுதிகளுக்குட்பட்ட 2381ஊராட்சி ஒன்றிய,தொடக்க மற்றும் நடுநிலை பள்ளிகளில் 5,351 புது வகுப்பறைகள் கட்டும் திட்டத்தை அடிக்கல் நாட்டி துவங்கி வைக்கிறார்.
இதில் வேலூர் மாவட்டத்தில் ரூ.15.96கோடி மதிப்பில் 114வகுப்பறை கட்டும் திட்டமும் அடங்கும்.
ரயிலில் சென்னை பயணம்
ஆய்வுக் கூட்டங்களில் கலந்துகொள்ளும் தமிழக முதல்வர்
இதனைதொடர்ந்து, வேலூர் விஐடி பல்கலைக்கழகம் அண்ணா அரங்கில் இன்று மாலை நிகழ்ச்சி ஒன்றில் கலந்துகொண்டு புதிய கட்டிடங்களை திறந்து வைக்கவுள்ளார்.
பின்னர், மாவட்ட ஆட்சியர் அலுவலக காணொளி கூட்டரங்கில் கோரிக்கைகள் குறித்து கலந்துரையாடுகிறார்.
தொடர்ந்து, வேலூரில் தனியார் ஹோட்டலில் தங்கும் முதல்வர், நாளை(பிப்.,2) காலை அரசு அலுவலகம் ஏதேனும் ஒன்றில் திடீர் ஆய்வு மேற்கொள்ளவுள்ளார்.
அதன் பின், வேலூர் மாவட்ட ஆட்சியர் அலுவலகத்தில் வேலூர், திருவண்ணாமலை, திருப்பத்தூர், ராணிப்பேட்டை மாவட்ட ஆட்சியர்களுடன் அரசின் திட்டங்கள் குறித்து ஆய்வு செய்யவுள்ளார்.
இதில் அமைச்சர்கள் மற்றும் அரசு துறை செயலாளர்கள் பங்குபெறுகிறார்கள்.
இது முடிந்த பிறகு நீர்வளத்துறை அமைச்சர் துரைமுருகன் வீட்டிற்கு சென்று மதிய உணவிற்கு பிறகு முதல்வர் ரயிலில் சென்னை திரும்புகிறார் என்பது குறிப்பிடத்தக்கது.