'புஷ்பா 2 ' திரைப்படத்தில் ஃபஹத் ஃபாசிலின் கதாபாத்திர போஸ்டர் வெளியீடு
நடிகர் ஃபஹத் ஃபாசில், இன்று தனது 41-வது பிறந்தநாளை கொண்டாடி வருகிறார். நடிப்பில் பல பரிமாணங்களை வெளிப்படுத்தும் அற்புதமான நடிகர் ஃபஹத். பல இயக்குனர்கள், அவரை தங்கள் படத்தில் எப்படியாவது நடிக்க வைக்க வேண்டும் என பேராசை கொண்டுள்ளனர். இந்த நிலையில், ஃபஹத் ஃபாசில் கடந்த இரண்டு வருடங்களாக தொடர்ந்து வேற்று மொழி படங்களை தேர்வு செய்து நடித்து வருகிறார். குறிப்பாக தமிழில், 'விக்ரம்', 'மாமன்னன்' மற்றும் தெலுங்கில் 'புஷ்பா'. பான்-இந்தியா படமாக வெளியான 'புஷ்பா' திரைப்படத்தில், 'பன்வர் சிங் ஷெகாவத்' என்ற கதாபாத்திரத்தில் மொட்டைத்தலை வில்லனாக நடித்திருந்தார். இந்நிலையில், தற்போது உருவாகி வரும் 'புஷ்பா 2' திரைப்படத்தில் ஃபஹத் ஃபாசிலின் கதாபாத்திர தோற்றத்தை படக்குழு இன்று, அவரது பிறந்தநாள் சர்ப்ரைஸாக வெளியிட்டுள்ளது.
