சந்திரமுகி 2 - சந்திரமுகி லுக்கில் கங்கனா ரனாவத்
ரஜினிகாந்த், பிரபு, ஜோதிகா நடிப்பில் 17 ஆண்டுகள் முன்னர் வெளியாகி மக்களின் மனதை கவர்ந்த திரைப்படம் 'சந்திரமுகி'. இயக்குனர் பி.வாசு இயக்கிய இந்த திரைப்படத்தின் இரண்டாம் பாகம் தற்போது தயாராகி வருகிறது. இதில், ரஜினியின் புகழ்பெற்ற வேட்டையன் ராஜா கதாபாத்திரத்தில் ராகவா லாரன்சும், சந்திரமுகியாக கங்கனாவும் நடிக்கின்றனர். மேலும் இத்திரைப்படத்தில், வடிவேலு, லட்சுமி மேனன், ராதிகா சரத்குமார் போன்றோர் முக்கிய வேடத்தில் நடிக்கின்றனர். லைகா நிறுவனம் தயாரிக்கும் இப்படத்திற்கு, ஆஸ்கார் விருதை வென்ற எம்.எம்.கீரவாணி இசையமைக்கிறார். இந்நிலையில், வேட்டையன் ராஜா கதாபாத்திரத்தில், ராகவா லாரன்ஸின் போஸ்ட்டரை அண்மையில் வெளியிட்ட படக்குழு, தற்போது சந்திரமுகி லுக்கில் கங்கனா ரனாவத் தோற்றத்தினை வெளியிட்டுள்ளது.