வரும்..ஆனா வராது..குழப்பத்தை விளைவித்த நடிகர் விஷாலின் அறிக்கை
செய்தி முன்னோட்டம்
நடிகர் விஷால் அரசியலுக்கு வரவுள்ளதாக நேற்று செய்திகள் வெளியான நிலையில், அதை மறுப்பது போன்ற அறிக்கை ஒன்றை இன்று வெளியிட்டுள்ளார் விஷால்.
அவர் வெளியிட்டுள்ள அறிக்கையில், "சமூகத்தில் எனக்கு இத்தனை ஆண்டுகளாக ஒரு நடிகனாக, சமூக சேவகனாக உங்களில் ஒருவனாக அந்தஸ்தும் அங்கீகாரமும் அளித்த தமிழக மக்களுக்கு என்றென்றும் கடமைப்பட்டுள்ளேன். என்னால் முடிந்த உதவிகளை செய்ய வேண்டும் என்ற நோக்கத்தில் ஆரம்ப காலத்தில் இருந்தே என்னுடைய ரசிகர் மன்றத்தை ஒரு சராசரி மன்றமாய் கருதாமல் மக்களுக்கு நன்மை செய்ய வேண்டும் என்று எண்ணினேன், "இயன்றதை செய்வோம் இல்லாதவர்களுக்கு" என்ற நோக்கத்தில் நற்பணி இயக்கமாக செயல்படுத்தினோம்" என குறிப்பிட்டுள்ளார்.
விஷால் அறிக்கை
நற்பணி தொடரும் என குறிப்பிட்ட விஷால்
"'தேவி அறக்கட்டளை' மூலம் அனைவரும் கல்வி கற்க மறைந்த முன்னாள் ஜனாதிபதி ஐயா அப்துல் கலாம் அவர்களின் பெயரில் வருடந்தோறும் பல எண்ணற்ற ஏழை எளிய மாணவ, மாணவியர்களை படிக்க உதவி வருகிறோம் மற்றும் பாதிக்கப்பட்ட விவசாய தோழர்களுக்கு உதவிகளை செய்து வருகிறோம்"
"தற்போது மக்கள் நல இயக்கத்தின் மூலம் நான் செய்து வரும் மக்கள் பணிகளை தொடர்ந்து செய்வேன். வரும் காலகட்டத்தில் இயற்கை வேறு ஏதேனும் முடிவு எடுக்க வைத்தால் அப்போது மக்களுக்காக மக்களின் ஒருவனாக குரல் கொடுக்க தயங்க மாட்டேன்" என விஷால் குறிப்பிட்டுள்ளார்.
விஷால் ஏற்கனவே ஒரு முறை சட்டசபை தேர்தலில் நிற்கப்போவதாக கடைசி நிமிடத்தில் அறிவித்தார். எனினும் அவரின் விண்ணப்பத்தில் தவறு இருந்ததால் அது நிராகரிக்கப்பட்டது குறிப்பிடத்தக்கது.
ட்விட்டர் அஞ்சல்
நடிகர் விஷாலின் அறிக்கை
அன்புடையீர் வணக்கம் pic.twitter.com/WBkGmwo2hu
— Vishal (@VishalKOfficial) February 7, 2024