சிவகார்த்திகேயனின் மாவீரன் சிலம்பரசனின் பத்து தல படத்துடன் மோதுகிறதா?
நடிகர் சிவகார்த்திகேயன் நடிப்பில் வெளிவர இருக்கும் படம் மாவீரன். இப்படத்தை 'மண்டேலா' புகழ் இயக்குனர் மடோன் அஸ்வின் இயக்குகிறார். சிவர்கார்த்திகேயனுக்கு ஜோடியாக அதிதி ஷங்கர் நடிக்கிறார். இவர் ஏற்கனவே கார்த்தி நடிப்பில் வெளிவந்த விருமன் படத்தில் அறிமுக நாயகியாக நடித்துள்ளார் என்பது குறிப்பிடத்தக்கது. இயக்குனர் மிஸ்கின் இந்த படத்தில் வில்லன் கதாபாத்திரத்தில் நடிக்கிறார். சிவகார்த்திகேயனுக்கு அம்மாவாக நடிகை சரிகா நடித்து இருக்கிறார். இப்படத்தின் நடிகர் யோகி பாபு மற்றும் பிரபல யூடியூபர் மோனிஷா பிளெஸ்ஸி முக்கிய கதாபாத்திரங்களில் நடிக்கின்றனர். பாரதி ஷங்கர் இப்படத்திற்கு இசையமைத்துள்ளார். இந்த படத்தின் படபிடிப்பு இன்னும் முடிவடையாத நிலையில், ரிலீஸ் தேதி பற்றிய தகவல் வெளியாகியுள்ளன.
'பத்து தல'யுடன் களமிறங்கும் 'மாவீரன்'
2023-ஆம் ஆண்டு மார்ச் மாதம் 30 ஆம் தேதி மாவீரன் படம் திரையரங்குகளில் வெளியிடப் போவதாக தகவல்கள் தெரிவிக்கின்றன. மேலும் டி.ஆர். சிலம்பரசன் நடித்துள்ள பத்து தல படமும் மார்ச் 30, 2023 அன்று வெளியாகும் என ஏற்கனவே அதிகாரப்பூர்வமாக அறிவித்து இருந்தது. இந்நிலையில் சிவகார்த்திகேயன் மற்றும் சிலம்பரசன்ஆகிய இருவரின் படமும் ஒரே நாளில் களமிறங்கி மோதி கொள்ளப்போவதாக தெரிகிறது. பத்து தல படத்தில் சிலம்பரசனுடன் இணைந்து கௌதம் கார்த்திக் மற்றும் பிரியா பவானி ஷங்கர் முக்கிய கதாபாத்திரத்தில் நடித்துள்ளனர். இப்படத்தை தயாரிப்பாளர் கே.இ. ஞானவேல் ராஜா அவர்களின் நிறுவனமான ஸ்டூடியோ கிரீன் தயாரித்துள்ளது. இது ஒரு அதிரடி- ஆக்சன் திரைப்படமாகும்.
